Tjyötmangg

Er ir ju itt werr dag man for slepp aut ien tjyötmangg fro sovruämer itse. Men idag war er ien slaikan dag.

Rett weg...kastji

Slaikt tyttser ig ir bra nyieter http://www.nyteknik.se/nyheter/fordon_motor/bilar/article3271771.ece 
Ig truär o slaikt. Motorn direkt inin juäler, er for ju luv wårå dar man for minst ferluster.

Kruägmoms

Dier saia att kruägmomsn al djävå flieru jobb. Itt iett skapends dugg truer ig o edh.

Biet

Um er saknses släpwangin, kombibil eld takretse so for man itt werd biet um man al åk gräjjur.

Suäle

Nu ir er jågde atten. Aut skain suäle og in al ig wårå. Ed al snikkas, umfattningger.

Iem atten

Nu ir ig iem i rapper atten ses am werid i Luleå og kuägår o ur man djär biogas åv graisdriter. En ar man odar lupte i nevi. Straks staner tuer i Lieksand. Ar Muära kumb ig tjugu i tolv.

Published with Blogger-droid v1.7.4

Nu ir ig dan

O Arlanda alltså. Er drar duktit og raingner laikt. Dar dier itt sai nod um wederliätjin so lär ed fel itt wårå nod så äker i nod plan.
Ar ietir ien Ceasarsallad nidi resturandjin, ljuättguätt, so nu står man sig tast amén, dar man al drag åv norter lande.

Nu sit ig o otellruämer og al jobb liter.

O weg

Nu ir ig oweg ad Arlanda. Al wårå um not dar fer amen al ig fljuäg norter ad Luleå o iett studiebisyök.

Published with Blogger-droid v1.7.4

Ur man weler

Um lovdan dar suäle stjien do war ig inne og tapetsiret. Igår mes er druäg o o rainggd iel dan, ja do uld wårå aut i raise og lågå til brindpasse. 

Raiser

Idag al ig aut i raiser og lågå til brindpasse. Tri weståmin og fjuärer iämomin.

Published with Blogger-droid v1.7.4

Wiso

Wiso finnas buäkstavir sos C, Q, X og Z? Edd övdalska appt iett alfabiet so edd er it a werid nod H elld, men er ir ien eller birettels. Nu ettbaker ar ed ig byrd o min. C iess go bruk o flier sett, sos S og sos K, er ir iett uätyg. Er ir fel laik bra og bruk K eld S.
Q ir og ien avugan buäkstav. An auttales ku, men itse irer non so ietter Qrt itse. Og int dupper du mandelqber i kaffi eld. Bruk K og U isteller.
X ir fel kastji itt laik biswälin men an ir ju twer buäkstavir an og. O itt naug min er. Er ir summu sos C, fast o summu gangg, wiso? Byöver ig sai mier?
O Z sedå, ar an nod sos ellst eksistensbirettend? Wiso gor er itt laik bra og sai senit, sebra og soo, elld fer oll diel, cenit, cebra og coo. Um dielum X o ellftn so tagum diädå K so att er bar werd S kwer, ur werd er do um ulum ersett Z. \enit, \ebra og \oo. Ed ser ju sig sjuäft, S ir best.

Eller

Nyt stjien suäle, nu eller er o duktit fro uppi wedre. Er war do ien feskretseli tur att ig kam o att ig uld ev gasgrilln permanent under tak attonad bude, fer ikwelld al ig skain o noger brindtjyötbiter ar Anette og mig.

Ie ir do nyögd

Er ir do fel ie so ir nyögd dar man ir iem og jobber.

Published with Blogger-droid v1.7.4

Fuäst gandjin

Ig wet itt um man al sai te slu eld um man al sai att ig fikk luv. Er witum ir do er att nu ar igg faid mig ien blogg. Ukkar uärd förrstn, blogg. Ig for luv kum o iett övdalsnammin isteller.
Ur enn er nu ir so skain suäle jär i Muära, er niundan i tiundan idag og ig jobber fro iema. Sturrakkan Twiggy ir it no widera i kwidim idag.
Igår andlet i ien prisent ar Anette. O ar iet tag nu sagt att o edd wilar åvå ie traktörpanna, so igår wart o bigåvad min ie so ig add min mig fro Falu.
I kwelld um wir jätå autskuärin brindbiff sos ig al grilla. Ja nu for edh naug war bra fer issn gandjin.


LJ