Estdyndsa

Idag ulum wir åvå seminarium um ur man djär biogas åv estdyndsa. Addum iett igår og, fast i Jävlä.

Published with Blogger-droid v2.0.4

Grannan kwellsimill

Ikwells war edh muälir men itt ikwelld. Dar firiadh war edh klårt twer kwellder. Og wenn miäner ig? Ju, edh ar werir iett tunggel o wekksend. Men itt bar er. Ikwelld ar fuäst tunggler se Jupiter og siänest Wenus werir o rad. Um kwelldn firiar ikwells so war er ie eller årdningg o diem, do war Jupiter fuäst, se tunggler og se Wenus. Bar så witir.

Published with Blogger-droid v2.0.4

Ur?

Ur beller kristär sjugriän og lotta go wider???? Ur belld dier kum min i tävlindse fro byronendam?

Published with Blogger-droid v2.0.4

Mjäst 4

War åsta wenda i Ukksbjärr o skaidur idag. Edh wart mjäst fyr mil att o fram og edh tuäg mjäst fyr taimer. Sumstas war ed laik slikulit båd atter og framter, og sumstas war edh sos er ulde.

Published with Blogger-droid v2.0.4

Semst

Itt naug min att nummer twer og fem truäligen irå semst biter i melodifestiwaln so lankt, men iel tävlindse i Lieksand ir naug semsta musikaliskt.

Skemmas?

Undres o um bankdirektörer skemmas åv? Wiso ed dier ular er? Winst war ju itt styörr eld 79 000 000 000 kruänur.

15

Idag wart edh 15 kilumiäter. Og itt war edh non sos add ferir min spuärmasin eld, so edh war lite trögera i andyrun idag.

Edh ar snier i not

Edh ar kumir noger senti i not. Fom fel oppas dier djäro nogu ny andyr dait ig al adh kweldem og renna. Nu ar ig mjäst bistemt mig att ig al skaidrenn fro Sälem adh Muära i yppet spuär. Og do lär edh fel war wildest drag o min skaidur ie stjyör nu inno er al bjär åv.

13

Idag al man sömas in um man itt ir aut o gor eld fer an dieln sos ig ar gart, rennt i andyra i 13 kilumiäter. Edh war ju liter bakalt so man fikk tramp i duktit um er uld åkå i. I lagd o liter koldera feste, edh wart lit wildera men itse wart er do bra itse, men ed alket ju fint framyvyr og. Se stjien suäle, so edh ir itt lönt kwainggel.
http://www.endomondo.com/workouts/nVx2wrK-02c 
Um er non so undres o wiso ig skriever 13 kilumiäter so ir fer att ig uäk twer wendur.

Syätpärskåsa

Fer an so undres o wenn edh wart fer ljuätguädan middag ikwells so wart edh brindbuäg, ien kantarellsås, kremtader syötpärur og muldertskokka min smyörer. Se addum wir fel ienn feskretseli guädan sallad attrar og, min druvur, uästn, paprika, tomater, nod gryönt og ola.
Sos nu itt ittar edh weridh naug so addum wir iett saurdiegsbröd o rugmyöler og walnötter, og dar o addum wir ien flöde uäst min waitlok och lufttorkadh stjinka. Se stjyldum widh nid er min iet guätt rodhwin.

Faingner

Ja idag bellum wir fel wårå faingner. Suäle skain lagumt. Edh ir itt uvkollt. Edh ir frjådan og edh werd naug ien ljuätguädan middag idag. Ulum fir lit ekstra fer Anette ar faidh jobb o Ika og al byro um mondan.


Se ar ig iett tips. Ig ar ien mapp o Spotify so ietter "Smot", edh gor itt strait alltså. Um wilir bellir är o an om klikkir o laintjin nidonar.
Smot

Se undres ig o wiso edh itt finns nodh övdalsnammin o Spotify. Um kumir o nodh, ärir åv ir. Spot ir fel ie floga wetig? Wen ir do ify? Flogifaj. Elld um wir bar koller Kwainggel?